Цель проекта – создание населённого пункта, живущего по принципам здорового образа жизни, в котором:
На стадыёне ДЮСШ Брагінскага раёна сёння прайшло спартыўнае свята, якое аб’яднала аматараў лыжнага спорту рознага ўзросту і прафесій.
Спаборніцтвы адкрыў намеснік старшыні райвыканкама Раман Цеслянок. Ён падкрэсліў важнасць падобных мерапрыемстваў для папулярызацыі здаровага ладу жыцця і развіцця фізічнай культуры ў раёне:
– Надвор’е сёння спрыяе пазітыўнай атмасферы. Жадаю ўсім добрай лыжні.
Перад пачаткам спаборніцтваў старшы інспектар райвыканкама Юрый Крываручка правёў інструктаж, нагадаў ўдзельнікам пра правілы бяспекі.
Першымі на старт выйшлі жанчыны, якія перадалі эстафету мужчынам. Пасля завяршэння эстафетных гонак адбыўся масавы старт, які дазволіў усім ахвотным адчуць смак спаборніцтва і праверыць сваю вынослівасць на лыжні.
Каб спартсмены і балельшчыкі маглі падсілкавацца і сагрэцца, працаваў буфет.
Па выніках спаборніцтваў у эстафеце сярод дзяржаўных арганізацый перамагла каманда Камарынскага сельвыканкама. Другое месца заняла Вуглоўская СШ, а трэцяе – аддзел культуры райвыканкама.
У асабістым заліку сярод дзяўчат найлепшы вынік паказала Віталіна Сніцар, за ёй – Вікторыя Коўзік і Анжаліка Раманюк адпаведна.
Сярод мужчын лепшы час на дыстанцыі паказаў Даніла Канцавы. Сяргей Літошанка заняў другое месца, Алег Сукач – трэцяе.
У катэгорыі 60 гадоў і вышэй перамогу святкаваў Юрый Гапоненка.
– «Брагінская лыжня–2026» стала святам спорту і здаровага ладу жыцця. Яна падарыла масу станоўчых эмоцый. Асабліва хачу падзякаваць самаму ўзроставаму лыжніку – Юрыю Маркавічу. Ён даказаў, што спорт – не толькі для маладых, але і для тых, хто захаваў энергію і любоў да актыўнага ладу жыцця, – падытожыў Юрый Крываручка.
